Rajni Tirkey Utkrimit +2 Uchch Vidyalaya, Uchari (Mandar), Ranchi mein Hindi bhasha evam sahitya ki shikshika hain. Ve varsh 2019 se is vidyalaya mein adhyapan karya kar rahi hain. Adhyapan ko ve sirf ek pesha nahi, balki samajik uttardayitva aur srijanatmak prakriya ke roop mein dekhti hain.

Inka janm aur nivas Ranchi shahar mein hai. Janm se hi Ranchi mein rehte hue unhone apni sampoorn shaikshanik shiksha yahin se prapt ki. Varsh 2017 mein, unhone Ranchi Vishwavidyalaya se Hindi Sahitya mein M.Phil. ki upadhi prapt ki.

Hindi Sahitya, classroom experience, shiksha aur chhatra jeevan inke lekhon ke pramukh vishay hain. Is kavita sangrah mein kaksha ke bheetar aur baahar ghatit chhote-chhote anubhavon ko samvedansheel drishti se dekhkar unhe sahityik roop dene ka inke dwara saarthak prayas kiya gaya hai.