Kavi Pramod Ranjan ji Hazaribagh (Jharkhand) ke nivasi hain aur ve ek chintansheel aur rachanatmak vyaktitva ke dhani hain. 04 January 1957 ko janme Pramod Ranjan ji ne Ranchi Vishwavidyalaya se Rajniti Vigyan mein Snatakottar ki upadhi prapt ki. Bank prabandhak ke pad se seva-nivrit hone ke baad, varsh 2015 se ve lagatar lekhan karya mein sakriya hain. Ab tak unke chaar kavita sangrah aur darjano saanjha kavya sangrah prakashit ho chuke hain, jinhen pathakon aur sameekshakon ka bharpoor sneh aur sarahna mili hai. Prastut kavya sangrah ko bhi pathakon ka vaisa hi pyaar milega, aisa prakashan ko poora vishwas hai.