Jis prakaar parivartan prakriti ka niyam hai, theek usi tarah insaan ko bhi samay-samay par samajik, aarthik aur dharmik parivartan karte hue samaj ke hit mein kaam karte rehna chahiye. Jo niyam aur reeti-riwaj sau saal pehle the, woh us samay aur us kaal ke anuroop the. Agar aaj kahin wahi parampara ya reeti-riwaj samaj mein vighatan paida kar rahe hon, to samaj ki bhalaai ke liye unmein sanshodhan anivaarya hai.

Apne aap ko adhunik banane ke chakkar mein apni sabhyata aur sanskriti ko nahi bhoolna chahiye. Nahin to adhunikta ki is andhi daud mein hum apna sab kuchh kho baithenge.