"Namaste, Devkumar Patel ka janm Uttar Pradesh ke district Pratapgarh, Sangramgarh ke ek chhote se gaon Chamela ka Purwa mein hua. Unke pita Ram Ratan Patel kisan hain aur kheti-badi karte hain, jabki unki mata grahni hain. Unke do bhai aur ek behen hain.

Unki shiksha gaon mein hi 8th tak hui. Padhai mein unka mann nahi lagta tha, isliye woh bhag kar Mumbai chale gaye. Zindagi mein unhone kai utar-chadhav dekhe aur har haal ne unhe bahut kuch sikhaya.

Inhi anubhavon ko unhone apni kavitaon ke madhyam se pathakon tak pahunchane ki koshish ki hai. Unhone kai filmon ke liye dialogues, screenplay aur TV serials bhi likhe hain. Vartaman mein woh kuch filmon par kaam kar rahe hain jo Tamil, Telugu, Kannada aur Hindi bhashaon mein hain. Aane wale samay mein woh direction bhi karna chahte hain aur kuch aur pustakon par bhi kaam kar rahe hain.

Unhe likhne ka bahut shauk hai, saath hi ghoomna aur rajniti par charcha karna bhi unhe pasand hai. Ant mein, woh apne sabhi doston aur Crown Publishing team ko dhanyavaad dete hain."