Dr. Balbir Soni ka janm san 1959 mein Haryana ke Hisar jile ke gaon Khairi mein hua. Inhe kavita, kahani aur shero-shayari likhne aur padhne ka bachpan se hi shauk raha hai. Yeh Chetna Kavya Manch, Uklana ke sadasya rahe hain. Inka social media par bhi apna page hai.

Pratilipi app par unki rachnayein (“Lahad”) bahut lokpriya hain. Bulandi ne inhe Sahitya Gaurav Prashasti Patra dekar sammanit kiya, aur Harvard World Record mein apna kavya paath karke apna naam darj karwaya.

Pehle inki rachnayein Rewari se Arrival Time aur Rohtak se Khattar Vaani mein prakashit ho chuki hain. Inka (“Haryanvi Pagle ki Sun”) naamak column bhi bade chao se padha jata tha. Do baar inhe Akashvani Rohtak aur Hisar se bhi apni rachnayein prastut karne ka avsar mila hai (“Tripti” aur “Ek Lauta Pani”).

Inki shikshaprad aur prernaadayak kahaniyan isi pustak mein prastut hain. Inki lekhan shaili saral aur aam bol-chal ki bhasha mein hai, jo pathakon ko aasani se samajh aa jaati hai. Sukoon-e-Dil aur Sapne Molad ke laghu kavya theth Haryanvi mein likhe gaye hain. Yeh dono pustaken pehle Crown Publication se prakashit ho chuki hain.

Prastut pustak “Boonden Os Ki” padhkar aap ek ashcharyajanak aur shandaar sansar mein pravesh kar jayenge. Ise padhkar aap apni bahumulya rai dijiye, humein aapka besabri se intezar rahega.