"Bihar ki sahityik aur krantikaari dharti Begusarai ke Garhpura thana kshetra ke antargat aane wale gram ‘Dunhi’ se talluk rakhne wale Azaad Kumar ek prakhar shikshavid aur samvedansheel kavi hain. Shaikshanik prishthbhoomi sudridh hone ke kaaran inke lekhan aur vicharon mein spashtata evam samvedansheelata ka anootha sangam dekhne ko milta hai.

Prabuddh vyaktitva Azaad ji apni swayam ki shaikshanik sansthan ke sansthapak aur shikshak ke roop mein yuvaon ke bhavishya ko disha de rahe hain. Shikshan ke saath-saath sahitya ke prati unka gahra anuraag unki kavitaon mein spasht jhalakta hai. Unki rachnayein samaj, sangharsh aur maanaviya bhaavnaon ka aaina hain.

Ek margdarshak aur shikshak hone ke naate, unka lekhan keval shabdon ka samooh nahi balki aane wali peedhi ke liye ek prerna punj hai."