Mera naam Abhishek Yadav hai. Mujhe bachpan se logon ne kai naamon se pukara, par jab meri kavitaon aur lekhan mein virodh dikha, to kisi ne mujhe “Virodhi” ka tamga de diya. Usi samay se Virodhi shabd mere naam ke saath jud gaya.

Is kitaab mein maine samaaj, gaon, bachpan aur maanevi bhavnaon ko saral aur prabhavshaali bhasha mein pesh karne ka prayas kiya hai. Yeh pustak sirf kagazon ka pulinda nahi hai—ismein beparwah bachpan, dukh bhara akelapan, santan ke liye peeda, aur naari ki dayniya sthiti ka seedha darpan hai.

Agar ise padhne ke baad aapke mann mein khushi, dukh aur chintan jaise bhaav utpann hote hain, to main apna likhna sarthak samjhoonga.
Dhanyavaad.