"Priy…… Sudhi pathakon, yah pustak **gau palan, bakri palan, kukkut palan aur sukar palan** ki aadhunik aur vaigyanik paddhati ki jaankari pradan karne ke uddeshya se likhi gayi hai. Is pustak mein nihit shabdavali atyant hi saral aur saargarbhit bhasha mein likhi gayi hai. Bharatiya arthvyavastha mein krishi ke saath hi saath **pashupalan** ka bhi vishesh mahatva hai. Yadi hum **sakal gharelu utpad (GDP)** ki baat karein to lagbhag **28 se 30 pratishat** ka sarahniya yogdan dugdh utpadan se hota hai. Bharat mein vishva ki kul aabadi mein lagbhag **16 pratishat gaayen** aur **56 pratishat bhainsen** hain. Desh ke kul dugdh utpadan mein **gaay aur bhains ka yogdan kramashah 53 pratishat aur 43 pratishat** hai, jabki **3 pratishat dugdh bakriyon se prapt hota hai**. Bharat ek **krishi pradhan desh** hai. Aise mein bahut se **chhote, bhoomihin aur seemant kisan**, jo fasal ugane ke saath-saath **gaay, bhains, bhed, bakri, sukar aur murghi palan** karte hain, unke liye yah **rozi-roti ka achha sadhan** aur **gareebi se ubharne ka ek majboot aadhar** hai. Vishva mein Bharat ka sthaan **pashudhan ke drishtikon se** bakriyon ki sankhya mein **dusra**, bhedon ki sankhya mein **teesra**, aur **kukkut sankhya mein saatvaan sthaan** hai. Ukt vyavsaayon ko apnaakar log **aatmanirbhar** ban sakte hain. Is pustak ka ekmatra uddeshya **pashudhan ko badhava dena**, **pashupalan aur pashu sanvardhan ki vaigyanik paddhatiyon ko apnane**, **aajeevika aur atirikt aay mein vriddhi karne**, **swarozgar sthapit karne** ke liye prerit karna hai. Iske saath hi yah **desh se berozgari ki samasya ko kam karne**, **aatmanirbhar aur sashakt Bharat** ke nirmaan mein yogdan dene aur **gareebi ko door karne** ki disha mein ek chhota sa prayas hai"