Sham Chand Bansal

Unknown Location

"Lekhak Shri Shyam Chand ka janm 20 April 1931 ko pita Shri Nikka Ram ke ghar, mata Rajji Devi ki kok se hua. 7-8 saal ki umar mein hi pita ji ka saaya sir se uth gaya. Gaaon ke suryodaya ki aur ek Sant ji ka dera tha, jo ek sunder baag ki shakal ka tha. Dere ke malik Sant Prayag Das ji Ayurvedic aur Unani medicine ke maahir, door door tak ke mashhoor vaid the. Sanskrit ke vidwan, Vedanti, aur Pingal ke nipun kavi the. 5 saal ki umar se hi lekhak un Santon ki dono samay ki roti rozana apne ghar se leke jata tha. Raat ko unke yahin sota tha. Sant ji Gurbani ka divya gyaan rakhte the. Chhoti umar mein hi lekhak ko Shri Japji Sahib ki shuddh siksha di gayi, jis karan lekhak 7 saal ki umar mein hi Japji Sahib ka paath muh zubani yaad karke har roz subah paath karne ka pakka nitnemi ban gaya. Athvin jamaat tak ki padhai gaaon ke school mein ki aur nauvmi dasvin jamaat sarkari high school Lehra Gaga mein apni behan ke ghar rehke ki. 1963 mein fauj ki Signal Corps mein ""Operator Wireless and Lines"" ke pad par bharti ho gaya. Goa ke Signal Training Center mein course karne ke baad Jammu Kashmir ke Srinagar mein posting hui. Phir Baramulla, Chokiwal se aage Tangdhar ki Brigade Signal Center mein posting hui. 1965 ke Indo-Pak yudh mein poore josh se hissa liya. Ek sipahi ke taur par jo bhi task mila, tan-man se use poora kiya. Fauj dwara 'senya seva medal' se sanmanit kiya gaya. Bad-kismati ya khush-kismati, December 1966 mein medical issues ki vajah fauj ki naukri chhodni padi. Ghar aake pita purkhi karya khetibadi hi apnaai. University ki hidayaton anusaar kam hameen mein bhi bahut munafa kmaya. Itna ki gaaon ke kisan university ke beejon ko chhod ke lekhak ka banaya beej istemal karte. Saath mein sahayak kaarye, dudh ki dairy ke liye bhi khud bhainsein rakhi. Malwa Milk Plant ki dudh ki dairy pehle apne paas rakhi, phir gaaon mein kaamyab ki. Maaik halat achi na hote hue bhi, bachchon ki padhai aur zindagi banane ke liye poora zor lagaya, jiska aaj acha phal mil raha hai."