Dr. Lokesh Patel, Dr. Raju Chandrakar

Unknown Location

"Dr. Lokesh Patel, Chhattisgarh ke nivasi hain evam vartamaan mein Shaskiya Mahavidyalaya Pendra, jila Gaurela Pendra Marwahi (Chhattisgarh) mein atithi vyakhyata ke roop mein karyarat hain. Aapne Pandit Ravishankar Shukla Vishwavidyalaya, Raipur se M.Phil. evam Ph.D. ki upadhi prapt ki hai. Aapko M.G.N.C.R.E., Shiksha Mantralaya, Bharat Sarkar dwara Doctoral Fellowship (2021–2023) pradan ki gayi hai, jo aapke shodh karya ki gunwatta evam samarpan ko darshati hai. Dr. Patel ko antar-rashtriya star par “World Record of Excellence, England” dwara Certificate of Appreciation (2025) se sammanit kiya gaya hai. Aapne “Survey of Contribution of Minor Forest Products in the GDP of the State” pariyojana mein District Coordinator ke roop mein karya kiya hai, jo Pandit Ravishankar Shukla Vishwavidyalaya evam Chhattisgarh shasan ke Arthashastra evam Sankhyiki Sanchanalay dwara sanyukt roop se sanchalit thi. Aap Padmashri Jageshwar Yadav ji ke saath (2020 se) sahyogi ke roop mein karya karte hue janjatiya samaj ke utthaan, samajik jagrukta evam vibhinna samajik karyakramon ke sanchalan evam samanvay mein mahatvapurn bhoomika nibha chuke hain. Vartamaan mein bhi aap samajhit ke karyon mein sakriya roop se yogdan de rahe hain. Shodh evam navachar ke kshetra mein aapka mahatvapurn yogdan hai. Aapke naam ek patent panjikrit hai tatha aapke saat se adhik shodh patr rashtriya evam antar-rashtriya patrikaon mein prakashit ho chuke hain. Dr. Patel shiksha, shodh evam samajik seva ke madhyam se samaj ke sarvangin vikas ke liye satat prayasrat hain. --- Dr. Raju Chandrakar bhugol vishay ke ek pratishthit vidwan, navachari shodh karta aur samarpit shikshak hain. Bhugol mein snatak aur snatakottar ke saath Ph.D. ki upadhi prapt Dr. Chandrakar ka poora shaikshanik safar uplabdhiyon se bhara raha hai. Vartamaan mein ve ek shaskiya mahavidyalaya mein atithi vyakhyata ke roop mein apni visheshagyaata aur anubhav se vidyarthiyon ka margdarshan kar rahe hain. Lekhan aur research ke kshetra mein aapki majboot pakad aur gehra anubhav aapki asli pehchaan hai. Iska pramaan aapke 20 se adhik shodh patr hain, jo desh-videsh ke bade journals mein prakashit ho chuke hain. Nayi khoj aur navachar ke prati aapke lagaav ke karan hi aapke naam ab tak 3 patents darj ho chuke hain. 4 pustakein evam 2 pustak ikai bhi prakashit ho chuki hain, jo shodh ke kshetra mein aapki doorgami soch ko darshati hain. Aapki vishisht sevayon aur vishay par aapki adbhut maharat ke liye aapko samay-samay par anek pratishthit puraskaron se sammanit kiya gaya hai. Kathin bhaugolik vishayon ko bahut hi saral aur rochak dhang se samjhana aapki lekhni ki sabse badi khoobi hai. Shiksha ko har ghar tak pahunchane ke uddeshya se aap “Dr Raju Chandrakar” naam se ek YouTube channel bhi sanchalit karte hain, jahan aap bhugol ke jatil vishayon ko bahut hi saral bhasha mein saajha karte hain. Yah pustak unke varshon ke gehre adhyayan, shodh aur adhyapan ke anubhav ka ek behtareen parinaam hai. "