Hemendra Singh Rathore

Unknown Location

Hemendra Singh Rathore Rajasthan ke Dungarpur zile ke Antiya gaon ke nivasi hain. Unka gaon Corona kaal ke baad pragati ki nai raah par agrasar hua, jahan shikshit varg, vyapari aur krishak to bahut hain, lekin ab tak koi lekhak nahi tha. Isi vichaar ne Hemendra ke mann mein ek naya sankalp jagaya — ki unke gaon se bhi ek lekhak avashya hona chahiye. Jeevan ke anubhav — prem, parivaar, vivaah, samaaj aur dhokhe — ne unhe andar tak prabhavit kiya, aur inhi bhaavnon ko shabdon mein daalkar unhone apni lekhni ka safar shuru kiya. Vartamaan mein Hemendra Swami Vivekanand College, Sagwada (Dungarpur) se B.Sc–B.Ed ka adhyan kar rahe hain. Photography ke kshetra mein bhi ve sakriya hain — Nehru Yuva Kendra dwara aayojit Mobile Photography Competition mein 2022 mein pratham tatha 2023 mein tritiya sthal prapt kiya. 2023 mein Kendra Sarkar dwara aayojit “Yuva Pados Samvad” karyakram mein Dungarpur se vijeta rahe. 2024 mein Rajasthan Yuva Mahotsav ke antargat aayojit Thematic Photography Competition mein jile mein pratham, sambhag mein dwitiya sthal prapt kar rajya star par pratinidhitva kiya. Hemendra ko cricket ka gahra shauk hai. Unke pasandida khiladi Rohit Sharma hain, jinse unhone yeh prerana li hai ki — “Samay kitna bhi kathin kyon na ho, yadi mehnat par vishwas rakha jaaye to kismat bhi jhuk jaati hai.” Hemendra ke jeevan ki sabse badi prerana unke mata-pita hain, jinka aashirvaad aur vishwas unke har kadam par saath hai. Saath hi, unke margdarshak aur preranastrotra Shri Shambhu Singh ji (Mamosa) hain, jinki prerana aur margdarshan se ve apne lakshyon ki ore nirantar pryasrat hain.